21 yaşadək futbolçulardan ibarət Azərbaycan milli komandasının heyətində dəyişiklik baş verib.
İdman.Biz xəbər verir ki, Rusiyanın “Kosmos Ximki” futbol komandasının üzvü Can Naibov U-21 yığmasının düşərgəsinə qoşulub.
2008-ci il fevralın 28-də anadan olan futbolçunun boyu 184 santimetrdir.
18 yaşlı Naibov daha əvvəl Moskva “Dinamo”sunun U-17 komandasında olub. O, 2026-cı ildə “Kosmos Ximki”nin heyətinə keçib.
Qeyd edək ki, Azərbaycan U-21 millisi noyabrın 9-dan 17-dək Dalğa Təlim-Məşq Mərkəzində hazırlıq keçəcək. Komandamız noyabrın 14-də və 17-də Omanın U-23 yığması ilə iki yoldaşlıq oyununda üz-üzə gələcək.
