Azərbaycan millisinin futbolçusu Cəlal Hüseynovun çıxış etdiyi “Petrolul” Rumıniya Superliqasının 14-cü turunda xal qazanıb.
İdman.Biz xəbər verir ki, Ployeşti təmsilçisi doğma meydanda “ÇFR Kluj”la 1:1 hesablı heç-heçə edib.
Cəlal Hüseynov qarşılaşmaya ehtiyat oyunçular skamyasında başlayıb. Müdafiəçi 63-cü dəqiqədə meydana daxil olub, 75-ci dəqiqədə isə sarı vərəqə ilə cəzalandırılıb.
Bu nəticədən sonra “Petrolul” 24 xalla turnir cədvəlinin dördüncü pilləsində qərarlaşıb.
