21 yaşadək futbolçulardan ibarət Azərbaycan milli komandasında yeni təyinat olub.
İdman.biz Sportnet.az-a istinadən bildirir ki, yığmada qapıçılarla iş üzrə məşqçi vəzifəsi Rauf Mehdiyevə həvalə olunub.
O, U-21-də baş məşqçi Rəşad Eyyubovun rəhbərliyi altında çalışacaq.
Mehdiyevin son iş yeri I Liqada çıxış edən “Mingəçevir” klubu olub. O, yayda baş məşqçi Füzuli Məmmədov və digər köməkçi-məşqçilərla birlikdə komandadan ayrılıb.
Qeyd edək ki, Ayxan Abbasovun Azərbaycanın əsas millisinə baş məşqçi təyinatından sonra U-21 Rəşad Eyyubova tapşırılıb. Eyyubovun əsas köməkçisi isə Fərid Namazov olacaq. Fiziki hazırlıq üzrə məşqçinin adına isə hələ aydınlıq gəlməyib.
