Ağır çəkidə UFC çempionu (120 kq) britaniyalı Tom Aspinall sənədli filmlərə çəkilməklə bağlı mövqeyini açıqlayıb.
Bu barədə İdman.Biz “RMC Sport”a istinadən məlumat verir.
“Mən hətta 50 milyon dollara belə UFC-nin sənədli filmində çəkilməzdim. Ən azı aktiv döyüşdüyüm müddətdə. Heç bir şəkildə. Bunu etmək üçün mənə istədiyim pulu ödəyə bilməzsiniz”, - döyüşçü deyib.
Aspinallın növbəti döyüşü oktyabrın 25-nə planlaşdırılıb. Onun rəqibi fransalı döyüşçü Siril Qan olacaq.
2024-cü ilin iyulunda İngiltərənin Mançester şəhərində “UFC 304”də baş tutan son döyüşündə Aspinall ilk raundda amerikalı Kertis Bleydesi nokautla məğlub edib.
Siril Qan öz növbəsində son döyüşünü 2024-cü ilin dekabrında “UFC 310”da keçirib. Həmin vaxt fransalı döyüşçü rusiyalı Aleksandr Volkovu məğlub edib.
