“Qızıl medalı qazandığım anda ilk ağlıma gələn Himnimiz oldu”.
Bu sözləri Baku TV-yə müsahibəsində III MDB Oyunlarında qızıl medala sahib olan karateçi Mədinə Sadıqova deyib.
“Orada Bayrağımızın altında Himnimizi eşitmək mənim üçün böyük qürur idi. Həmişə qalib idmançılarımızı izləyəndə həmin hissləri yaşamağı arzulayırdım”, – deyə o əlavə edib.
Mədinə Sadıqova uğurunu həyatını itirmiş dostuna həsr etdiyini bildirib: “Yaxın dostum Nihad ani ürəktutmasından dünyasını dəyişdi. Nihadın son günündə yanında ola bilməmişdim. Turnirdə ən çox onun üçün döyüşürdüm. Bu medalı Nihada həsr edirəm”. O həmçinin gələcəkdə medallarının daha da artmasını arzuladığını söyləyib: “Qızıl medal mənim üçün böyük motivasiya oldu. Şəhid kapitan Sadıqovun qızı olaraq tarixə keçəcəyimə inanıram”.
Ətraflı süjetdə:
