Bolqarıstanın paytaxtı Sofiyada yeniyetmə cüdoçular arasında dünya çempionatı davam edir.
İdman.biz xəbər verir ki, yarışın üçüncü günündə Azərbaycan millisinin daha iki idmançısı mübarizəyə qoşulub. Onların hər ikisi yarışla vaxtından əvvəl vidalaşıblar.
Oğlanlar
73 kq
Məhəmməd Ağakişiyev 1/16 finalda Atxan Biçoyevə (IJF) qalib gəlsə də, ardınca Veliko Varniçiçlə (Serbiya) bacarmayıb.
Qızlar
57 kq
Səmayə Yusifli (57 kq) 1/16 finalda Nonoka Yamakavaya (Yaponiya) uduzub.
Qeyd edək ki, mundialda hələlik millimizin heyətində Anar Quliyev (50 kq) və Zeyd Ələsgərov (60 kq) bürünc medal qazanıb. Yarışda fərdi mübarizə avqustun 30-da başa çatacaq. Ertəsi gün isə qarışıq komanda yarışı olacaq.
İdman.biz
