Macarıstanın paytaxtı Budapeştdə keçirilən cüdo üzrə dünya çempionatında fərdi yarışlara yekun vurulub.
İdman.biz xəbər verir ki, Azərbaycan yığması mundialı 3 medalla başa vurub.
Millimizin heyətində Zelim Tçkayev (81 kq), Elcan Hacıyev (90 kq) və Zelim Kotsoyev (100 kq) bürünc medal qazanıb. Komandamız bu nəticə ilə ümumi hesabda 14-cü pillədə qərarlaşıb.
Çempionat Yaponiya idmançılarının üstünlüyü ilə keçib. "Gündoğar ölkə" təmsilçiləri 6 qızıl, 4 gümüş və 4 bürünc medala sahib olublar. Beynəlxalq Cüdo Federasiyasının (IJF) bayrağı altında çıxış edən cüdoçular 3 qızıl və 2 bürüncə seviniblər. İtaliya yığması isə iki qızılla siyahıda 3-cü olub.
Qeyd edək ki, Azərbaycan cüdoçuları sabah qarışıq komandalar arasında dünya çempionatında qüvvəsini sınayacaqlar.
İdman.biz
