Azərbaycanın İtaliyanın Neapol şəhərində keçiriləcək U-23 Avropa çempionatında iştirak edəcək cüdoçularının adları müəyyənləşib.
İdman.Biz xəbər verir ki, oktyabrın 30-dan noyabrın 1-dək davam edəcək yarışda ölkəmizi beş çəki dərəcəsində səkkiz idmançı təmsil edəcək.
60 kq çəkidə Murad Muradlı və Babarəhim Mirzəyev, 66 kq-da Nizami İmranov və İslam Rəhimov, 73 kq-da isə Əbil Yusubov və Mehdi Cəfərov tatamiyə çıxacaqlar.
100 kq çəki dərəcəsində Əjdər Bağırov, 100 kq-dan yuxarı çəkidə isə Kənan Nəsibov mübarizə aparacaq.
Cüdoçularımıza kişilərdən ibarət milli komandanın baş məşqçisi Riçard Trautman, böyük məşqçi Elxan Məmmədov və məşqçi Əbdülhəqq Rəsullu rəhbərlik edəcəklər.
