Cüdoçularımız dünya çempionatının ikinci gününü medalsız başa vurublar - YENİLƏNİB + FOTO

5 Oktyabr 2026 14:25
848
Cüdoçularımız dünya çempionatının ikinci gününü medalsız başa vurublar - YENİLƏNİB + FOTO

Azərbaycan cüdoçusu Gültac Məmmədəliyeva Bakıda keçirilən dünya çempionatında mübarizəni dayandırıb.

İdman.Biz xəbər verir ki, 52 kq çəki dərəcəsində çıxış edən idmançı təsəlliverici görüşdə monqolustanlı Uranzaya Bayanmunxa məğlub olaraq medal şanslarını itirib.

Qeyd edək ki, daha əvvəl Nizami İmranov, Ruslan Paşayev və Turan Bayramov (hamısı 66 kq) məğlub olub. Dünya çempionatına oktyabrın 11-də yekun vurulacaq.

Xatırladaq ki, Azərbaycan millisinin Bakıda keçirilən dünya çempionatındakı aktivində bir qızıl medal var. Yarışların ilk günündə 60 kq çəki dərəcəsində Əhməd Yusifov fəxri kürsünün ən yüksək pilləsinə qalxıb.

14:22

Azərbaycan cüdoçusu Gültac Məmmədəliyeva Bakıda keçirilən dünya çempionatında növbəti görüşünü keçirib.

İdman.Biz xəbər verir ki, 52 kq çəki dərəcəsində çıxış edən idmançı 1/4 finalda italiyalı Odette Qıuffridaya məğlub olub.

O, təsəlliverici görüşdə qalib gələrsə, bürünc medal uğrunda yarışmaq hüququ qazanacaq.

Qeyd edək ki, daha əvvəl Nizami İmranov, Ruslan Paşayev və Turan Bayramov (hamısı 66 kq) məğlub olub.

13:22

Azərbaycan cüdoçusu Gültac Məmmədəliyeva Bakıda keçirilən dünya çempionatında növbəti qələbəsini qazanıb.

İdman.Biz xəbər verir ki, 52 kq çəki dərəcəsində çıxış edən idmançı 1/8 finalda Avstraliya təmsilçisi Tinka Eastonla üz-üzə gəlib.

O, 1/4 finalda italiyalı Odette Qıuffrida ilə qarşılaşacaq.

Qeyd edək ki, daha əvvəl Nizami İmranov, Ruslan Paşayev və Turan Bayramov (hamısı 66 kq) məğlub olub.

13:00

Azərbaycan cüdoçusu Ruslan Paşayev (66 kq) Bakıda keçirilən dünya çempionatında mübarizəni dayandırıb.

İdman.Biz xəbər verir ki, idmançı 1/8 finalda italiyalı Valerio Akkolyiyə uduzub.

Qeyd edək ki, daha əvvəl Nizami İmranov və Turan Bayramov (hamısı 66 kq) məğlub olub, Gültac Məmmədəliyeva (52 kq) isə 1/8 finalda mübarizəni davam etdirir.

12:20

Bakıda keçirilən cüdo üzrə dünya çempionatı davam edir.

İdman.Biz xəbər verir ki, 52 kq çəki dərəcəsində mübarizə aparan Gültac Məmmədəliyeva 1/16 final görüşündə İsrail təmsilçisi Gefen Primoya qalib gəlib.

Azərbaycan cüdoçusu bu nəticə ilə 1/8 finala yüksəlib.

Qeyd edək ki, daha əvvəl Nizami İmranov və Turan Bayramov məğlub olub, Ruslan Paşayev (hamısı 66 kq) isə 1/8 finalda mübarizəni davam etdirir.

11:43

Azərbaycan cüdoçusu Nizami İmranov Bakıda keçirilən dünya çempionatında mübarizəni dayandırıb.

İdman.Biz xəbər verir ki, 66 kq çəki dərəcəsində çıxış edən idmançı 1/16 final mərhələsində rusiyalı Ramazan Abdullayevlə üz-üzə gəlib.

Rəqibinə məğlub olan N.İmranov yarışda çıxışını başa vurub.

Qeyd edək ki, dünya çempionatına oktyabrın 11-də yekun vurulacaq.

11:30

Bakıda keçirilən cüdo üzrə dünya çempionatı davam edir.

İdman.Biz xəbər verir ki, Azərbaycan millisinin üzvü Ruslan Paşayev 1/16 finalı qələbə ilə başa vurub.

Cüdoçumuz Türkmənistan təmsilçisi Serdar Rahimovu vaza-ari xalı ilə məğlub edərək 1/8 finala yüksəlib.

Qeyd edək ki, dünya çempionatına oktyabrın 11-də yekun vurulacaq.

10:37

Bakıda keçirilən cüdo üzrə dünya çempionatı davam edir.

İdman.Biz xəbər verir ki, 66 kq çəki dərəcəsində mübarizə aparan Azərbaycan cüdoçularından Nizami İmranov 1/32 finalda gürcüstanlı Vaja Marqvelaşviliyə qalib gəlib.

Eyni çəkidə yer alan digər təmsilçimiz Turan Bayramov isə 1/32 finalda finlandiyalı Luukas Sahaya məğlub olub.

Qeyd edək ki, dünya çempionatına oktyabrın 11-də yekun vurulacaq.

09:28

Bakıda keçirilən cüdo üzrə dünya çempionatı bu gün davam edəcək.

İdman.Biz xəbər verir ki, yarışın ikinci günündə qadınlar arasında 52 kq, kişilərdə isə 66 kq çəki dərəcəsində qaliblər müəyyənləşəcək.

Azərbaycan millisinin dörd üzvü tatamiyə çıxacaq.

Qadınların 52 kq çəki dərəcəsində Gültac Məmmədəliyeva 1/16 finalda İsrail təmsilçisi Gefen Primo ilə qarşılaşacaq.

Kişilərin 66 kq çəki dərəcəsində Turan Bayramov 1/32 finalda finlandiyalı Luukas Saha ilə üz-üzə gələcək.

Nizami İmranov eyni mərhələdə gürcüstanlı Vaja Marqvelaşvili ilə qarşılaşacaq.

Ruslan Paşayev isə 1/16 finalda Türkmənistan təmsilçisi Serdar Rahimov - İspaniya cüdoçusu Adrian Nieto Çinarro cütünün qalibi ilə görüşəcək.

İlkin mərhələnin Bakı vaxtı ilə saat 10:00-da, final blokunun isə 18:00-da başlanması nəzərdə tutulub.

Qeyd edək ki, dünya çempionatının ilk yarış günündə Azərbaycan millisinin üzvü Əhməd Yusifov (60 kq) qızıl medal qazanaraq dünya çempionu olub.

İdman.Biz