Beynəlxalq dərəcəli həndbol hakimləri Ernest və Emil Ağakişi qardaşları Avropa Həndbol Federasiyası tərəfindən avrokubok oyununa təyinat alıblar.
İdman.biz xəbər verir ki, təmsilçilərimiz turnirin 1/4 final mərhələsində qadın həndbolçular arasında keçiriləcək matçda ədaləti qoruyacaqlar.
Onlar Rumıniyanın “Dunarea Braila” və Xovatiyanın “Podravka Vegeta” komandaları arasında keçiriləcək cavab görüşünü idarə edəcəklər.
Qeyd edək ki, qarşılaşma martın 24-də Buzeu şəhərindəki “Romeo Yamandi” zalında təşkil olunacaq.
İdman.biz