Tarixdə ilk dəfə azərbaycanlı futzal hakimi Avropa çempionatının final mərhələsinə təyinat alıb.
İdman.Biz xəbər verir ki, bu barədə AFFA-dan məlumat verilib.
FIFA referisi Hikmət Qafarlı Latviya, Litva və Sloveniyanın birgə ev sahibliyi ilə keçiriləcək Avropa çempionatı - 2026-nın final mərhələsində fəaliyyət göstərəcək 32 hakimdən biri olacaq. H.Qafarlı turnir zamanı Latviya və Litvada baş tutacaq matçları idarə edəcək.
Qeyd edək ki, qitə birinciliyinin oyunları 2026-cı il yanvarın 21-dən fevralın 7-dək keçiriləcək.
