40 yaşlı yeddiqat Formula 1 çempionu və "Ferrari" pilotu Lyuis Hemilton "Racing Bulls" komandasının 20 yaşlı pilotu İsak Hacarı yüksək dəyərləndirir.
İdman.biz bildirir ki, Əlcəzair əsilli fransalı pilot Hacar bu il Formula 1-də debüt mövsümünü keçirir.
"İsakın pilot kimi inkişaf etdiyini görmək çox gözəldir, o, həqiqətən də əla oğlandır. Ona görə də onu parlaq gələcək gözləyir", - Hemilton deyib.
Xatırladaq ki, 20 yaşlı Hacar Niderland Qran Prisində üçüncü yeri tutaraq, Formula 1 yarışında podiuma çıxan ən gənc fransalı pilot olub.
İdman.biz
