"Formula-1" üzrə dünya çempionatında İtaliya Qran-prisinin keçirilmə müddəti artırılıb.
İdman.biz xəbər verir ki, bu barədə yarışın baş direktoru Stefano Domenikali açıqlayıb.
Qran-prinin Montsa avtodromunda yeni müqaviləyə əsasən 2031-ci ilədək keçirilməsi nəzərdə tutulub. Domenikali İtaliya Avtomobil Klubuna təşəkkür edərək, Lombardiya regionunda "Formula-1"in keçirilməsinin böyük zövq yaşatdığını bildirib. O, yarış trasının yenilənməsini vurğulayaraq, imzalanan uzun müddətli əməkdaşlığı yüksək qiymətləndirib.
Qeyd edək ki, 2024-cü ildə "Ferrari" pilotu Şarl Lekler doğma publika önündə finiş xəttini ilk keçib.
İdman.biz
