“Formula-1” üzrə Azərbaycan Qran-prisi çərçivəsində Bakı Şəhər Halqasında fərqli idman tədbiri - “BCC F1 Weekend Run” qaçışı keçirilib.
İdman.Biz xəbər verir ki, təxminən 250 iştirakçı “Formula-1” trekinin altı kilometrlik tam dövrəsini qət edib.
Tədbirə gənclər və idman naziri Fərid Qayıbov da qatılıb.
Qaçış saat 22:00-da başlayıb. İştirakçılar “Formula-1” bolidlərinin hərəkət etdiyi istiqamətdə trekin tam dövrəsini qət ediblər.
Qeyd edək ki, bu gün start götürən yarış sentyabrın 26-da başa çatacaq.
