Nüfuzlu “The Athletic” nəşri “Formula-1”də ABŞ-ın artan təsirinə dair məqalə dərc edib.
İdman.Biz-in məlumatına görə, məqalədə qeyd olunur ki, çempionat artan auditoriya, təqviminin genişlənməsi və ölkənin ən böyük avtomobil istehsalçılarının gəlişi sayəsində ABŞ bazarında fəal şəkildə özünü təsdiqləyir.
2026-cı il mövsümünün seriyanın “amerikanlaşması”nda əsas addım olacağını vurğulayır: “Ford” “Red Bull” ilə tərəfdaşlıqda “Formula-1”ə qayıdacaq, “Cadillac” isə “General Motors”un dəstəyi ilə öz komandası ilə debüt edəcək. Bu, iki ABŞ avtomobil nəhəngi arasındakı tarixi rəqabəti ilk dəfə “Formula-1” səviyyəsinə qaldıracaq.
Nəşrin məlumatına görə, “Ford” və “General Motors”un iştirakı “Formula-1”in ABŞ-dakı mövqeyini gücləndirir və Amerika bazarını çempionatın gələcək inkişafı üçün əsas bazara çevirir.
