“İmişli” Misli Premyer Liqasında ilk böyükhesablı qələbəsini qazanıb.
İdman.biz xəbər verir ki, bu, V turun “Karvan-Yevlax”la matçına təsadüf edib.
Jorje Kaşkilyanın yetirmələri səfərdə üç cavabsız qol vurublar. İmişlinin eyniadlı klubu yarışın tarixinə böyükhesablı qələbə sevinci yaşayan 54-cü komanda kimi düşüb. İndiyədək çempionatda oynamış klublardan yalnız 9-u belə qələbə əldə etməyib.
Qeyd edək ki, “Karvan-Yevlax” ikinci böyükhesablı məğlubiyyətini alıb.
İdman.biz
