"Öz komandamın oyunlarında olduğum üçün "Kəpəz"in ilk iki matçını izləyə bilmədim".
İdman.biz xəbər verir ki, bu sözləri Sport24.az- Gəncə təmsilçisinin sabiq futbolçusu Yeqor Xvalko deyib.
Hazırda Qazaxıstan "Tobol"unda çıxış edən müdafiəçi sabiq komandasının mövsümə uğursuz start verməsi ilə bağlı danışıb: "Bunun səbəbini deyə bilmərəm. Üç il əvvəl də çempionatda qalmaq vəzifə idi. Kluba yeni rəhbərlik gəldi, bütün komandanı dağıtdılar. Bu, onların problemidir. Hazırda komandanın qarşısına hansı hədədfinqoyulduğunu bilmirəm. Hətta yeni rəhbərlik komandanı aşağı liqaya düşməkdən qurtaran oyunçulara yeni müqavilə təklif olunacağını demişdi. Amma heç birimiz klubdan təklif almadıq".
Qeyd edək ki, "Kəpəz" Premyer Liqanın I turunda "Sumqayıt"a 0:3, ikinci turda "Karvan Yevlax"a 2:3 hesabı ilə uduzub. Gəncə təmsilçisi bu gün "Zirə"nin qonağı olacaq.
İdman.biz
