"Feyenoord" "Porto"dan transfer etdiyi Qonsalo Borjesi helikopterlə birbaşa stadiona gətirərək təqdim edib.
İdman.biz xəbər verir ki, Niderland klubu portuqaliyalı futbolçu ilə 2029-cu ilin yayına qədər müqavilə imzalayıb.
Transfer məbləği 10 milyon avro təşkil edir. “Porto” əlavə olaraq 1 milyon avro bonus da qazana bilər. Bundan başqa, Portuqaliya klubu gələcək satışdan 15% pay alacaq.
24 yaşlı portuqaliyalı "Benfika" akademiyasının yetirməsidir, lakin 14 yaşından "Porto"ya keçib. "Əjdahalar”ın əsas komandasında 88 oyunda meydana çıxaraq 2 qol vurub və 10 məhsuldar ötürmə edib.
İdman.biz
