Azərbaycan millisinin futbolçusu Renat Dadaşov karyerasını Polşada davam etdirəcək.
İdman.biz xəbər verir ki, “Radomyak”dan ayrılan 26 yaşlı hücumçu "Motor Lublin" klubu ilə danışıqları müsbət yekunlaşdırıb.
O, yeni klubu ilə 1+1 illik müqavilə imzalayıb.
Dadaşov "Motor Lublin"in rəsmi saytına bildirib ki, komandada debütü səbirsizliklə gözləyir.
Qeyd edək ki, komanda mövsümdə ilk oyununu iyulun 20-də Qdınya "Arka"sına qarşı keçirəcək.
İdman.biz
