Azərbaycan Gənclər və İdman Nazirliyi ilə Türkiyə Gənclər və İdman Nazirliyi arasında 2024-cü ildə imzalanmış protokola əsasən, Bakıda “Məşqçi təlimi” mübadiləsi proqramı keçirilir.
İdman.biz xəbər verir ki, proqrama uyğun olaraq, 8 nəfərdən ibarət Türkiyə nümayəndə heyətinin bir sıra görüşləri təşkil olunur.
Bu gün AFFA-nın Təhsil və Reabilitasiya Mərkəzində görüş baş tutub, “Məşqçi təlimində proqramlaşdırma sistemi” mövzusunda dinləmələr olub. Tədbirdə AFFA-nın Texniki direktoru Cahangir Həsənzadə və təhsil şöbəsinin rəhbəri Aslan Kərimov da iştirak ediblər.
“Məşqçi təlimi” mübadiləsi proqramı əsasında Türkiyə Gənclər və İdman Nazirliyinin nümayəndələri mayın 16-dək Bakıda görüşlər keçirəcəklər.
Qeyd edək ki, ötən il aprelin 24-27-də İstanbulda gənclər və idman sahəsində əməkdaşlıq işçi qrupunun 2-ci iclası keçirilib və bu çərçivədə protokol imzalanıb.
İdman.biz
