“Metak” klubunun baş məşqçisi Mehman Səfərov cəzalanıb.
İdman.biz xəbər verir ki, bu barədə qərarı AFFA-nın İntizam Komitəsi verib.
O, eyni gündə iki oyunda etdiyi hərəkətalərin cəzasını alıb.
Səfərov U-14 Liqasında keçirilən “Caspian” – “Metak” qarşılaşmasının 7-ci dəqiqəsində hakimi təhqir etdiyinə görə qırmızı vərəqə ilə meydandan kənarlaşdırılıb. Buna görə AFFA baş məşqçini 5 oyunluq diskvalifikasiya edib.
Çalışdırıcı U-13 Liqasında keçirilən “Uğur” – “Metak” matçı bitdikdən sonra da fərqlənib. Səfərov hakimi təhqir və təhdid etdiyinə görə qırmızı vərəqə ilə kənarlaşdırıldırılıb. Bu üzdən baş məşqçi 5 oyun cəzalanıb.
İdman.biz
