Almaniyalı futbolçu Toni Kroos “Real”ın akademiyasında işləyəcək.
İdman.biz xəbər verir ki, bu barədə futbolçu Almaniya mətbuatına müsahibəsində deyib.
AVRO-2024-dən sonra karyerasını bitirəcəyini açıqlayan Toninin növbəti fəaliyyəti bəlli olub. O, uzun illər çıxış etdiyi Madrid klubunun uşaq akademiyasında çalışacaq. Bundan başqa, Kroos qardaşı Felikslə podkastlarda iştirakını davam etdirəcəyini bildirib.
Qeyd edək ki, Kroos 2014-ci ildən “Real”da oynayıb. O, 465 oyunda 28 qol vurub, 99 ötürmə edib. Toni 5 dəfə Çempionlar Liqası kubokunu, 4 dəfə İspaniya çempionu titulunu qazanıb.
İdman.biz
