Top-5 liqalarında ən sürətli oyunçuların reytinqi açıqlanıb.
İdman.biz xəbər verir ki, bu, “Givemesport” tərəfindən dərc edilib.
Reytinqin lideri Madrid “Real”ının mərkəz müdafiəçi Antonio Rudiger olub. Alman futbolçu iyunun 1-də Çempionlar Liqasının finalında qarşılaşacağı "Borussiya"nın (Dortmund) oyunçusu Kərim Adeyemidən sürət baxımından bir az üstün olub.
“Çelsi”nin şərəfini qoruyan ukraynalı Mixail Mudrik isə ilk “üçlüy”ü qapayır. Oyunlardan birində o, saatda 36,63 km sürət yığmağı bacarıb.
“10-luq”
1. Antonio Rudiger (“Real”) – 36,7 km/saat
2. Kərim Adeyemi (“Borussiya”) – 36,65
3. Mixail Mudrik (“Çelsi”) – 36,63
4. Entoni Qordon (“Nyukasl”) - 36,61
5. Usman Dembele (PSJ) – 36,6
6. Adama Traore (“Fulhem”) – 36,6
7. Məhəmməd Salah (“Liverpul”) – 36,6
8. Darvin Nunes (“Liverpul”) – 36,53
9. Mussa Diabi (“Aston Villa”) – 36,52
10. Rafael Leao (“Milan”) – 36,5
İdman.biz
