Emin Mahmudovun fotosu Nyu-Yorkun məşhur meydanında nümayiş etdirildi - VİDEO

21 Noyabr 2026 12:56
91
Emin Mahmudovun fotosu Nyu-Yorkun məşhur meydanında nümayiş etdirildi

Azərbaycan millisinin sabiq kapitanı Emin Mahmudovun fotosu ABŞ-nin Nyu-York şəhərində yerləşən məşhur "Times Square" meydanındakı böyük ekranda nümayiş etdirilib.

İdman.Biz xəbər verir ki, bu barədə “PR to SKY” şirkətinin “Instagram” səhifəsində paylaşım edilib.

Paylaşımda futbolçunun milli komandadakı karyerasını başa vurmasına diqqət çəkilib. Emin Mahmudovun Azərbaycan millisinin tarixində ən çox qol vuran futbolçu olduğu vurğulanıb. Bildirilib ki, 33 yaşlı yarımmüdafiəçi yığmanın heyətində 66 oyun keçirib və 16 qol vurub.

Qeyd edək ki, “PR to SKY” Nyu-Yorkda fəaliyyət göstərən qlobal ictimaiyyətlə əlaqələr və kommunikasiya agentliyidir. Agentlik "Times Square" də daxil olmaqla, beynəlxalq reklam platformalarında rəqəmsal bilbord xidmətləri göstərir.

İdman.Biz