Bu gün, sentyabrın 24-də futbol üzrə milli komandaların iştirakı ilə bir sıra maraqlı oyunlar keçiriləcək.
İdman.Biz xəbər verir ki, günün əsas hadisəsi UEFA Millətlər Liqasının 2026/27 mövsümündə qrup mərhələsinin startı olacaq. A Liqasında eyni gündə dörd qarşılaşma keçiriləcək.
Mərkəzi oyunlardan biri Niderland və Almaniya milli komandaları arasındakı qarşılaşma olacaq. Eyni qrupda Serbiya Yunanıstanı qəbul edəcək.
Millətlər Liqasının son qalibi Portuqaliya yeni turnirə Uelslə ev oyununda başlayacaq. A Liqasının daha bir matçında isə Norveç Danimarka ilə qarşılaşacaq.
Avropa oyunlarından əvvəl Asiyada diqqətçəkən yoldaşlıq görüşü keçiriləcək. Yaponiya millisi Kirin Challenge Cup çərçivəsində Uruqvayı qəbul edəcək. Qarşılaşma Bakı vaxtı ilə saat 14:05-də başlayacaq.
Günün əsas oyunlarının Bakı vaxtı ilə AFİŞASI:
14:05 – Yaponiya – Uruqvay
22:45 – Niderland – Almaniya
22:45 – Serbiya – Yunanıstan
22:45 – Norveç – Danimarka
22:45 – Portuqaliya – Uels
Bu gün Millətlər Liqasında həmçinin Avstriya – İsrail, Kosovo – İrlandiya, Andorra – Malta və Lixtenşteyn – Litva oyunları da keçiriləcək.
