“Kəpəz” futbol klubu yeni mövsümə hazırlıq çərçivəsində yoxlama oyununu keçirəcək.
İdman.Biz xəbər verir ki, Gəncə təmsilçisi avqustun 1-də Qətərin “Əl-Xəraitiyat” klubu ilə qarşılaşacaq.
Qəbələ şəhər stadionunda keçiriləcək görüş saat 18:00-da başlayacaq.
“Kəpəz” toplanış zamanı “Qəbələ”(1:2), “Şamaxı” (0:0) və “Sumqayıt” (0:0) klubları ilə qarşılaşıb.
Qeyd edək ki, dünyaşöhrətli futbolçu Presnel Kimpembe də "Əl-Xəraitiyat"ın heyətində çıxış edir. Fransa millisinin heyətində 2018-ci ildə dünya çempionu olan müdafiəçi, həmçinin 2025-ci ildə PSJ ilə UEFA Çempionlar Liqasının qalibi adını qazanıb. Hazırda o, komandası ilə birlikdə Qəbələdə təlim-məşq toplanışındadır.
