“Arsenal” klubunun gənc yarımmüdafiəçisi Ethan Nvanerinin gələcəyi ilə bağlı yeni detallar üzə çıxıb. Fransanın “Marsel” klubu futbolçunu mövsümün sonuna qədər icarəyə götürmək üçün danışıqlara başlayıb.
İdman.Biz xəbər verir ki, bu barədə tanınmış jurnalist David Ornstein məlumat yayıb.
Onun sözlərinə görə, hazırda razılaşma yekunlaşmayıb, lakin mümkün anlaşmaya çıxışlardan asılı olaraq dəyişən icarə haqqı daxil ediləcək və satınalma bəndi nəzərdə tutulmayacaq.
Mənbə bildirir ki, 18 yaşlı futbolçu ilə bağlı İngiltərə Premyer Liqasından və Avropanın digər liqalarından da maraq var. Lakin bəzi klubların daimi transfer mexanizmi istəyi “Arsenal” tərəfindən qəbul edilməyib.
Qeyd olunur ki, “Marsel”in baş məşqçisi Roberto De Zerbi həm “Arsenal”ın baş məşqçisi Mikel Arteta ilə, həm də futbolçunun özü ilə müsbət danışıqlar aparıb. İtaliyalı mütəxəssisin oyun üslubu və gənclərlə işləmək bacarığı Fransa klubunun bu transferdə ön plana çıxmasında əsas amillərdən biri sayılır.
Bildirilir ki, İngiltərə U-21 millisinin hücumameyilli yarımmüdafiəçisi yaxın vaxtlarda qərarını verəcək. Bütün tərəflər bu mövsüm Nvanerinin daha çox oyun vaxtı qazanmasını əsas prioritet kimi görür.
