MLS təmsilçisi “İnter Mayami”nin hücumçusu Luis Suaresin karyerasını klubda davam etdirmək ehtimalı gündəmdədir. Uruqvaylı futbolçunun mövsümün sonunda başa çatan müqaviləsi ilə bağlı tərəflər arasında danışıqlar aparılır.
İdman.Biz ESPN-ə istinadla xəbər verir ki, klub rəhbərliyi 38 yaşlı forvardla yeni razılaşma variantlarını müzakirə edir.
Daha əvvəl Suaresin ABŞ-dəki çıxışlarından sonra peşəkar karyerasını bitirməyi düşündüyü bildirilirdi.
Eyni zamanda “İnter Mayami” yarımmüdafiəçi Rodriqo De Paulun transferini də tamamlayıb. Argentina millisinin üzvü yayda İspaniyanın “Atletiko” klubundan mövsümün sonuna qədər icarə əsasında komandaya qoşulmuşdu. Yarımmüdafiəçi ilə dördillik müqavilə imzalanıb. Razılaşmaya əsasən, De Paul mövsümə görə 12 milyon dollar (təxminən 20,4 milyon AZN) qazanacaq.
