Türkiyənin “Fənərbağça” futbol komandası müdafiəçisi Nelson Semedonun səhhəti ilə bağlı rəsmi açıqlama yayıb.
İdman.Biz xəbər verir ki, “Başakşehir”lə səfər oyununda (1:1) zədələnən futbolçunun MRT müayinəsi aparılıb. Müayinənin nəticəsinə əsasən, Semedonun sağ arxa bud əzələsində qismən yırtıq aşkarlanıb və onun müalicəsinə dərhal başlanılıb.
Klubun tibbi heyətinin ilkin proqnozuna görə, Nelson Semedo 3-4 həftə müddətində yaşıl meydanlardan uzaq qalacaq.
Bu səbəbdən portuqaliyalı müdafiəçi UEFA Avropa Liqasında “Brann”, Super Liqada “Konyaspor” və “Eyüpspor”, Türkiyə Kubokunun qrup mərhələsində isə “Beşiktaş”la oyunda “Fənərbağça”ya kömək edə bilməyəcək.
