“Hər iki komanda çox yaxşı oynadı və məncə, oyun maraqlı keçdi”.
Bu sözləri “Qarabağ”ın futbolçusu Emmanuel Addai Azərbaycan Premyer Liqasının XII turunda “Sumqayıt”la oyundan sonra deyib.
Futbolçu matçı belə dəyərləndirib:
“Komandamın qalib gəlməsinə şadam, çünki turnir cədvəlində daha rahat olmaq üçün bu xallara çox ehtiyacımız var idi. Ümumilikdə, oyun çox yaxşı oldu”, - deyə sportnet.az-a açıqlamasında deyib.
Emmanuel Addai matçda yaşanan epizodla bağlı da fikrini bildirib:
“Xeyr, məncə bu qırmızı yox idi, çünki qarşımda bir nəfər var idi. Mən ona toxunduqda bu, tək olmadığım deməkdir. O da tək deyildi. Onun önündə başqa bir oyunçu var idi. Ona görə də qırmızı düzgün qərar deyildi”.
Sonda o, qələbənin növbəti oyunlara təsirini vurğulayıb:
“Bu gün oyunu qazandığımız üçün xoşbəxtəm. Belə qələbələr bizi növbəti oyun, xüsusilə "Napoli" ilə qarşılaşmaya motivasiya edir. Oyun əla keçdi və qalib gəldiyimiz üçün çox sevinirəm. Təşəkkür edirəm”.
