"Karvan-Yevlax" -"Sabah" matçından sonra baş məşqçilərin iştirakı ilə mətbuat konfransı keçirilib.
İdman.biz xəbər verir ki, "Karvan-Yevlax"ın baş məşqçisi Azər Həşimov oyunla bağlı jurnalistlərin suallarını cavablandırıb.
İki qol buraxdıqlarını deyən mütəxəssis bildirib ki, ikinci hissədə tirdən qayıdan topları olub: "Əvəzetmələr də etdik, alındıra bilmədik. "Sabah"ı qələbə münasibəti ilə təbrik edirəm".
- Qol vura bilmədiyiniz oyunların sayı beşə çatdı. Həyəcan təbilinin vaxtıdı?
- İki hücumçumuz var. Mikels zədəlidi. Uğuru ikinci hissədə meydana buraxdıq.
- Ötən turun ən yaxşısı Kamran kobud səhv üzündən qol buraxdı.
- Xeyr. "Doqquzluğ"a gedən top idi. Çox vaxt belə toplar olmur. Məncə, rəqib daha yaxşı oynasa da, qolları bəxtsizlik üzündən buraxdıq.
- Yevlaxa nə vaxt qayıdırsız?
- PFL gəlib baxmalıdı. Yaxın günlərdə reallaşacaq. Demək olar ki, bütün oyunları səfərdə keçiririk.
- Mikelsin bu tur oynayacağını demişdiz…
- Həkimlər belə məsləhət gördü. Milli fasilədə tam özünə gələcək.
