İtaliyanın “Milan” futbol klubunun Robert Levandovskinin “Barselona”dakı gələcəyi ilə bağlı maraqlandığı iddia olunur.
İdman.biz xəbər verir ki, bu barədə journalist Luka Koen məlumat yayıb.
Məlumata görə, tərəflər arasında ilkin təmas qurulub, lakin rəsmi danışıqlar aparılmayıb. “Milan”ın məqsədi ulduz futbolçunun mövcud durumu və transfer ehtimallarını öyrənmək olub.
Xatırladaq ki, polşalı hücumçu hazırda “Barselona” ilə müqavilə üzrə çıxış edir və klub rəhbərliyi onunla yolları ayırmaq niyyətində olmadığını açıqlayıb. Bununla belə, Avropanın bir sıra klublarının Levandovskiyə maraq göstərdiyi bildirilir.
