“Barselona” 1944-cü ildə klub tərəfindən müəyyən edilmiş qollu seriya rekordunu təkrarlayıb.
İdman.biz "Opta"ya istinadən xəbər verir ki, bu, La Liqanın VII turunda “Barselona” – “Real Sosyedad” oyununda qeydə alınıb.
Kataloniya təmsilçisi ardıcıl 44-cü matçda qol vurublar. Bu müddət ərzində “Barselona” 125 dəfə fərqlənib. İlk rekord isə 1942-ci ilin noyabrından 1944-cü ilin fevralına qədər davam edib və həmin dövrdə 139 qol vurulub.
Qeyd edək ki, oyun 2:1 hesabı ilə “Barselona”nın qələbəsi ilə yekunlaşıb. Bu qələbədən sonra Hansi Flik rəhbərliyindəki komanda 19 xal toplayaraq La Liqa turnir cədvəlində liderliyə yüksəlib.
