AVRO-2024-ün açılış oyununda Almaniya ilə görüşən Şotlandiya 20 il 7 aydan sonra rəsmi matçda 5 və ya daha çox qol buraxıb.
İdman.biz xəbər verir ki, 1:5 hesabı ilə uduzan britaniyalılar sonuncu dəfə 2003-cü ilin noyabrında belə acınacaqlı məğlubiyyət alıb.
AVRO-2004-ün təxminən 21 il əvvəlki seçmə oyununda Niderland şotlandiyalılara “divan tutub” – 6:0. Bundan sonra “tartan ordusu” bir dəfə də belə çox qol buraxsa da, ABŞ-la 2012-ci ilin mayındakı görüş (1:5) yoldaşlıq matçı olub.
Qeyd edək ki, Şotlandiya növbəti turda İsveçrə ilə qarşılaşacaq.
İdman.biz
