Birləşmiş Ərəb Əmirliyində şahmat üzrə “Sharjah Masters” beynəlxalq turniri başa çatıb.
İdman.biz xəbər verir ki, azərbaycanlı qrossmeyster Məhəmməd Muradlı final mərhələsində Adam Kozakı (Macarıstan) məğlub edərək 9-cu yeri tutub.
4-9-cu yerlərə şərik olan təmsilçimiz 6 xal toplayıb. Lakin o, əlavə göstəricilərə görə 9-cu yerdə qərarlaşıb.
Eyni zamanda, Muradlı turnirin ikinci yarısını inamla keçirərək, beş oyundan dördündə qalib gəlib.
Qeyd edək ki, Şarjada birinci yeri 7 xalla Aniş Giri (Niderland) tutub.
İdman.biz
