Azərbaycan şahmatçısı Eltac Səfərli Skopyedə (Şimali Makedoniya) keçirilən “Skopje Open” beynəlxalq turnirin 6-cı turunu qələbə ilə başa vurub.
İdman.biz xəbər verir ki, o, ardıcıl iki heç-heçədən sonra bu gün almaniyalı Marius Fromma qalib gəlib.
Bu nəticədən sonra Eltac liderlər qrupundakı mövqeyini bir az da möhkəmlədib. Səfərli 5 xal toplayan 5 şahmatçı arasında 2-ci pillədə qərarlaşıb.
Qrossmeysterimiz bu gün 7-ci tur çərçivəsində daha bir oyunda qüvvəsini sınayacaq. Onun rəqibi Momçil Petkov (Bolqarıstan) olacaq.
Qeyd edək ki, turnirin reqlamentinə əsasən, şahmatçılar bu gün iki oyun keçirəcəklər.
İdman.biz
