Əlireza Firuzcanın çıxış etdiyi turnirdə qalib olmaq Azərbaycan şahmatçısı Rauf Məmmədov üçün sevindirici haldır.
O, Bolqarıstanın paytaxtı Sofiyada keçirilmiş “Balkan Cup”da birinci yeri tutması ilə bağlı fikirlərini bölüşüb.
“Burada 30-a yaxın ölkədən şahmatçılar iştirak edirdilər. 200-dən çox iştirakçı var idi. Ən əsas olan bu yarışda rapid üzrə dünyanın 2-ci nömrəsi Əlireza Firuzca oynayırdı. Mənim üçün elit şahmatçının çıxış etdiyi yarışda qalib olmaq sevincidirici haldır”, - deyə o report.az-a açıqlamasında söyləyib.
R.Məmmədov bu il əsas hədəflərinin Özbəkistanın Səmərqənd şəhərində keçiriləcək 46-cı Ümumdünya Şahmat Olimpiadasında yaxşı nəticə qazanmaq olduğunu söyləyib.
Xatırladaq ki, Rauf Məmmədov Sofiyadakı yarışda rapid turnirinin qalibi olub. O, blits yarışında isə üçüncü yeri tutub.
