Azərbaycanlı şahmatçı Məhəmməd Muradlı Qazaxıstanın Almatı şəhərində keçirilən “KazChess Masters” beynəlxalq turnirində gözlənilməz nəticələr göstərməkdə davam edir.
İdman.Biz “ChessBase” nəşrinə istinadən xəbər verir ki, 2662 reytinq xalı ilə yarışın əsas favoriti olan qrossmeyster ilk iki turda məğlubiyyətə uğrayıb.
Muradlı birinci turda Belarus təmsilçisi Denis Lazavikə uduzub. Azərbaycanlı şahmatçı Siciliya müdafiəsi ilə başlayan qarşılaşmada 28-ci gedişdə riskli qərar verib. Sonrakı gedişlərdə üstünlüyü ələ keçirən Lazavik rəqibini 32-ci gedişdə təslim olmağa məcbur edib.
İkinci turda Muradlı Özbəkistan təmsilçisi Şəmsəddin Vahidova məğlub olub. Üçüncü turda isə o, Qazaxıstanın 16 yaşlı qrossmeysteri Edqar Məmmədovla heç-heçə edib.
İlk üç turdan sonra cəmi yarım xal toplayan Muradlı turnir cədvəlində səkkizinci pillədə qərarlaşıb. Dördüncü turda daha yarım xal qazanan Azərbaycan təmsilçisi xal ehtiyatını birə çatdırıb və mövqeyini dəyişməyib.
Dörd turdan sonra Denis Lazavik, Edqar Məmmədov və Denis Maxnev hərəyə üç xalla turnir cədvəlinə başçılıq edirlər. Muradlı liderlərdən iki xal geri qalır. On şahmatçının dairəvi sistem üzrə mübarizə apardığı turnirdə Muradlı dörd turdan sonra liderlərdən iki xal geri qalır.
Qeyd edək ki, oktyabrın 26-da start götürən “KazChess Masters” noyabrın 3-də başa çatacaq.
