Azərbaycan boksçuları 2026-cı ildə keçirilən Avropa çempionatlarında ümumilikdə 25 medal qazanıblar.
İdman.Biz xəbər verir ki, Azərbaycan milli komandaları bu il qatıldıqları dörd qitə birinciliyində 5 qızıl, 8 gümüş və 12 bürünc medal əldə ediblər.
Medalların sayına görə ən yaxşı nəticəni U-15 millisi göstərib. Trabzonda keçirilən Avropa çempionatında çıxış edən boksçularımız 10 dəfə fəxri kürsüyə yüksəliblər.
U-17 millisi qitə birinciliyini 8 medalla başa vurub. Böyüklərdən ibarət yığmamız isə Avropa çempionatında 5 medal qazanaraq rekord nəticəyə imza atıb. Hər iki komandanın iki üzvü qızıl medal əldə edərək Azərbaycan himnini səsləndirib.
U-19 millisi isə Avropa çempionatını 2 medalla başa vurub.
Beləliklə, Azərbaycan boksçuları 2026-cı ildə qatıldıqları dörd Avropa çempionatının hamısında medal qazanıblar. Milli komandalarımız bu yarışların üçündə medal sayına görə ilk altılıqda yer alıblar.
Azərbaycan boksçuları noyabrda keçiriləcək U-23 Avropa çempionatında da mübarizə aparacaqlar. Bu yarış millimizin builki medal sayını artırmaq üçün növbəti fürsət olacaq.
