Azərbaycan Basketbol Liqasının IV turunun B qrupunda daha iki oyun keçiriləcək.
İdman.Biz xəbər verir ki, günün ilk oyununda “Quba” öz meydanında “Lənkəran”ı qəbul edəcək. Matç saat 15:00-da start götürəcək.
“Sumqayıt” isə “Ordu”nun qonağı olacaq. Bu görüş saat 19:00-da başlayacaq.
Turnir cədvəlinə əsasən, “Ordu” altı xalla B qrupunun lideridir. “Quba” beş xalla üçüncü pillədə, “Lənkəran” dörd xalla dördüncü yerdə, “Sumqayıt” isə üç xalla altıncı sıradadır.
Qeyd edək ki, ötən gün IV turun A qrupunun oyununda “Sabah” “Gəncə” üzərində 87:68 hesablı qələbə qazanıb.
