ABŞ Milli Basketbol Assosiasiyasının (NBA) “Portland Treyl Bleyzers” komandası baş məşqçi Çonsi Billapsın həbsi ilə bağlı rəsmi açıqlama yayıb.
İdman.Biz-in məlumatına görə, daha əvvəl bildirilmişdi ki, Billaps qanunsuz idman mərc oyunları və qumar oyunları ilə bağlı əsas istintaqın bir hissəsi olaraq Federal Təhqiqat Bürosu (FBI) tərəfindən həbs edilib.
“Baş məşqçi Çonsi Billaps ilə bağlı iddialardan xəbərdarıq və istintaqla tam əməkdaşlıq edirik. Billaps vəzifəsindən kənarlaşdırılıb. Tyaqo Splitter müvəqqəti baş məşqçi vəzifəsini icra edəcək. Bütün əlavə suallar NBA-ya ünvanlanmalıdır”, - komandanın açıqlamasında bildirilib.
