“Qarabağ”ın Azərbaycan Premyer Liqasındakı qələbə seriyası qırılıb.
İdman.biz xəbər verir ki, Qurban Qurbanovun yetirmələri ardıcıl 10 qalibiyyətdən sonra xal itiriblər.
Ağdam klubu XXII turun “Sabah”la ev oyununda qələbə qazana bilməyib – 3:3. “Qarabağ” sonuncu dəfə 2023-cü il oktyabrın 30-da “Araz-Naxçıvan”la görüşdə xal itirmişdi – 1:2.
XI turun qarşılaşmasından 104 gün sonra meydandan qələbəsiz ayrılan son çempion 2023-cü ildə “Kəpəz”i 7:1, “Səbail”i 3:1, “Sabah”ı 2:1, “Qəbələ”ni 3:0, “Sumqayıt”ı 6:1, “Neftçi”ni 2:0, “Zirə”ni 1:0 hesabı ilə məğlub edib. Seriyanı bu il də davam etdirən Qurbanovun komandası “Araz-Naxçıvan”ı 3:1, “Kəpəz”lə “Səbail”i eyni – 2:1 hesabı ilə üstələyib.
Qeyd edək ki, “Qarabağ” 51 xalla çempionatın lideridir.
İdman.biz