“Komandamla qürur duyuram. Oyuna yaxşı girə bilmədik”.
İdman.biz bildirir ki, bu sözləri Misli Premyer Liqasının 7-ci turunda “Zirə” ilə oyundan sonra “Neftçi”nin baş məşqçisi Samir Abbasov deyib.
Oyun 2:2 hesabı ilə bitib. “Zirə” bərabərlik topunu 90+8-ci dəqiqədə penaltidən vurub.
Abbasov oyunun hakimlərindən şikayət edib: “Hakim görünməyən VAR-dan penalti çıxardı. Bu gün bizim udmağımız mümkünsüzdür. Maraqlısı da odur ki, 4-cü hakimə dəfələrlə yalvardım, dedim ki, qurban olum, mən uşaqları sakitləşdirəcəm, sən o epizoddan qabaq Kurçinin epizodunu baş hakimə izlətdir. Dedi narahat olma, deyəcəm. Bilirəm axı deməyəcək. Dedim, yanındayam, de. Baş hakim sonra bildirdi ki, Alessionun epizodu ilə bağlı mənə heç nə deyilmədi”.
