“Adana Dəmirspor”un Türkiyə Superliqasında uğursuz çıxışı davam edir.
İdman.biz xəbər verir ki, Şahruddin Məhəmmədəliyevin qapısını qoruduğu komandanın qələbəsiz seriyası 10-a yüksəlib.
“Trabzonspor”un qonağı olan Adana təmsilçisi 0:1 hesabı ilə uduzub. Qarşılaşmada vurulan yeganə qolun müəllifi 21-ci dəqiqədə Trezege olub. Ötən turda səhvlərlə yadda qalan və fasilədə əvəzlənən Şahruddin bu dəfə etibarlı oyunu ilə yadda qalıb.
Qeyd edək ki, 27 turdan sonra 32 xal toplayan “Adana Dəmirspor” 12-ci pillədə qərarlaşıb.
İdman.biz