“Hamı məyus idi. Heç kim danışmırdı”.
Bu sözləri İdman.Biz-ə “Zirə”nin qapıçısı Aydın Bayramov UEFA Konfrans Liqasının ikinci təsnifat mərhələsində “Payde” (Estoniya) ilə cavab matçından sonra soyunub-geyinmə otağındakı vəziyyəti dəyərləndirərkən deyib.
Matç 1:1 hesabı ilə bitib və “Zirə” iki oyunun nəticəsinə əsasən mübarizəni dayandırıb.
Bayramov baş məşqçi Rəşad Sadıqovun oyunçulara təşəkkür etdiyini bildirib: “Əsəbi deyildi. Oyuna, göstərilən mübarizəyə görə oyunçulara təşəkkür etdi”.
