“Qarabağ” Qambiya əsilli isveçli futbolçu Zakariya Savo üçün İsveçin “Yurqorden” klubuna transfer məbləği ödəyib.
Sözügedən klubun idman direktoru Bosse Anderson futbolinfo.az-a açıqlamasında bildirib ki, Azərbaycan təmsilçisi Savo üçün 500 min avro (1 milyon manat) ödəniş edib.
Qeyd edək ki, Zakaria Savo son mövsümü Kiprin AEL (Limassol) klubunda keçirib. Amma o, müqavilə ilə “Yurqorden”ə məxsusdur. Hücumçu artıq ölkəmizə gəlib. O, tibbi müayinədən keçdikdən sonra transferi rəsmən açıqlanacaq.
