UEFA Çempionlar Liqasının əsas mərhələsinin səkkizinci turunda baş tutacaq “Liverpul” - “Qarabağ” oyununda azarkeşlər üçün ayrılan yerlərin sayı açıqlanıb.
Bu barədə İdman.Biz-ə Ağdam klubunun mətbuat katibi Anar Hacıyev məlumat verib.
Onun sözlərinə görə, “köhlən atlar”ın azarkeşləri üçün 1250 yer nəzərdə tutulub.
Qeyd edək ki, UEFA Çempionlar Liqasının əsas mərhələsinin - səkkizinci turunda “Liverpul” - “Qarabağ” qarşılaşması baş tutacaq.
Oyun 28 yanvar tarixində İngiltərənin Liverpul şəhərində, “Liverpul” klubunun 1892-ci ildən ev sahibi olduğu “Enfild” stadionunda keçiriləcək. Arenanın tutumu 61 276 tamaşaçı təşkil edir.
