Bolqarıstanın Samokov şəhərində keçirilən U-20 dünya çempionatı davam edir.
İdman.biz xəbər verir ki, bu gün yunan-Roma güləşində növbəti medalçılar müəyyənləşib.
Azərbaycan yığmasının iki təmsilçisi medal uğrunda yarışıb.
U-20 dünya çempionatı
Yunan-Roma güləşi
55 kq
Turan Daşdəmirov (55 kq) final görüşünə çıxıb. Onun rəqibi iranlı Payam Ahmadi Balutaki olub. 3:5 hesabı ilə uduzan Turan çempionatın gümüş medalına sahib çıxıb.
67 kq
Fəraim Mustafayev (67 kq) bürünc uğrunda Takaku Suzuki (Yaponiya) ilə qarşılaşıb. 5:4 hesabı ilə güclü olan güləşçimiz fəxri kürsüdə yer almağı bacarıb.
Qeyd edək ki, yunan-Roma güləş yığmamızın heyətində Ayxan Cavadov (60 kq) qızıl medal qazanıb.
İdman.biz
