"Barselona" "Mançester Yunayted"dən icarəyə götürdüyü hücumçu Markus Reşfordu yanvarda transfer etməyi düşünür.
İdman.biz bildirir ki, potensial müqavilə təxminən 20 milyon funt sterlinq (23 milyon avro) dəyərində ola bilər.
TBR Football-un məlumatına görə, "qırmızı şeytanlar"ın bu qış tam transferə razı olub-olmayacağı hələlik məlum deyil.
Bildirilir ki, Kataloniya klubu da ingilis futbolçunu mövsümün sonunda 26 milyon funt-sterlinqə (29,9 milyon avro) transfer edə bilər, lakin bunu yanvarda daha aşağı qiymətə etmək istəyir. "Barselona" Reşfordun transferini maliyyələşdirmək üçün futbolçu satmağı da nəzərdən keçirəcək.
"Barselona"nın hücumçunun kluba uyğunlaşmasından çox məmnun olduğu qeyd edilir.
İngilis futbolçunu kataloniyalılar ötən yay icarəyə götürüblər. O, "Barselona"nın heyətində bütün turnirlərdə beş oyun keçirib, iki qol vurub və bir məhsuldar ötürmə edib. Transfermarkt-ın məlumatına görə, Reşfordun bazar dəyəri 50 milyon avrodur.
İdman.biz
