“Liverpul”un kapitanı, 36 yaşlı Vircil van Deyk klubla müqaviləsinin başa çatmasına görə narahatlıq keçirmədiyini açıqlayıb.
İdman.Biz xəbər verir ki, niderlandlı müdafiəçi futbol oynamağa davam etmək istədiyini deyib:
“Özümü yaxşı hiss edirəm, amma hazırda söhbət məndən getmir. Baxarıq. Heç bir panika yaşamıram. Oynamağa və hazırda gördüyüm işi davam etdirməyə can atıram”.
Van Deyk “Liverpul”da qalmaqla yanaşı, karyerasını başqa klubda davam etdirmək ehtimalına da toxunub:
“Bu mövsümün nələr gətirəcəyini görəcəyik. Burada indiyədək möhtəşəm vaxt keçirmişəm. Əməkdaşlığımız davam etsə, elə də olacaq. Əks halda, başqa yerə gedəcəyəm. Hazırda heç bir yenilik yoxdur, amma bu, stress keçirdiyim və ya buna bənzər bir vəziyyətdə olduğum anlamına gəlmir”.
Qeyd edək ki, Van Deyk 2018-ci ilin yanvarında “Liverpul”a keçib. Müdafiəçi 2025-ci ilin aprelində klubla müqaviləsini iki il müddətinə uzadıb.
